Alfonso X, el Sabio – A Virgen mui groriosa

[Cantiga 42]

A Virgen mui groriosa
Reýa espirital,
dos que ama é ceosa,
ca non quer que façan mal.

Dest' un miragre fremoso,
ond' averedes sabor,
vos direy, que fez a Virgen,
Madre de Nostro Sennor,
per que tirou de gran falla
a un mi falss' amador,
que amýude cambiava
seus amores dun en al.

Foi en terra d'Alemanna
que querian renovar
húas gentes ssa eigreja,
e poren foran tirar
a majestad' ende fora,
que estava no altar,
e posérona na porta
da praça, sso o portal.

En aquela praç'
un prado mui verd' assaz,
en que as gentes da terra
yan téer seu solaz
e jogavan à pelota,
que é jogo de que praz
muit' a omées mancebos
mais que outro jog' atal.

Sobr' aquest' húa vegada
chegou y un gran tropel
de mancebos por jogaren
à pelot', e un donzel
andava y namorado,
e tragia seu anel
que ssa amiga lle dera,
que end' era natural.

Este donzel, con gran medo
de xe l' o anel torcer
quando feriss' a pelota,
foy buscar u o póer
podess'; e viu a omage
tan fremosa parecer,
e foi-llo meter no dedo,
dizend': "Oi mais non m'enchal

Daquela que eu amava,
ca eu ben o jur' a Deus
que nunca tan bela cousa
viron estes ollos meus;
poren daqui adeante
serei eu dos servos teus,
e est' anel tan fremoso
ti dou porend' en sinal."

E os géollos ficados
ant' ela con devoçon,
dizendo "Ace Maria",
prometeu-lle log' enton
que des ali adelante
nunca no seu coraçon
outra moller ben quisesse
e qui lle fosse leal.

Pois feit' ouve ssa promessa,
o donzel logo ss' ergeu,
e a omagen o dedo
cono anel encolleu;
e el, quando viu aquesto,
tan gran pavor lle creceu
que diss' a mui grandes vozes:
"Ay, Santa Maria, val!

As gentes, quand' est' oyron,
correndo chegaron y
u o donzel braadava,
e el contou-lles des i
como vos ja dit' avemos;
e conssellaron-ll' assi
que orden logo fillasse
de monges de Claraval.

Que o fezesse cuidaron
logo todos dessa vez;
mas per consello do demo
ele d' outra guisa fez,
que o que el prometera
aa Virgen de gran prez,
assi llo desfez da mente
como desfaz agua sal.

E da Virgen groriosa
nunca depois se nenbrou,
mas da amiga primeira
outra vez sse namorou,
e per prazer dos parentes
logo con ela casou
e sabor do outro mundo
leixou polo terreal.

Poi-las vodas foron feitas
e o dia sse sayu,
deitou-ss' o novio primeiro
e tan toste ss' adormyu;
e el dormindo, en sonnos
a Santa Maria vyu,
que o chamou mui sannuda:
"Ai, meu falss' e mentiral!

De mi por que te partiste
e fuste fillar moller?
Mal te nenbrou a sortella
que m dést; ond' á mester
que a leixes e te vaas
comigo a como quer,
se non, daqui adeante
averás coyta mortal."

Logo s' espertou o novio,
mas pero non se quir ir;
e a Virgen groriosa
fez-lo outra vez dormir,
que viu jazer ontr' a novia
e ssi pera os partir,
chamand' a el mui sannuda:
"Mao, falsso, desleal,

Ves? E por que me leizaste
e sol vergonna non ás?
Mas se tu meu amor queres,
daqui te levantarás,
e vai-te comigo logo,
que non esperes a cras;
erge-te daqui correndo
e sal desta casa, sal!"

Enton ss' espertou o novio,
e desto tal medo pres
que ss' ergeu e foi ssa via,
que non chamou dous non tres
omées que con el fossen;
e per montes mais dun mes
andou, e en un' hermida
se meteu cab' un píal.

E pois en toda ssa vida,
per com' eu escrit' achei,
serviu a Santa Maria,
Madre do muit' alto Rei,
que o levou pois conssigo
per com' eu creo e sei,
deste mund' a Parayso,
o reino celestial.